Departamento de Ciencias Forenses, Anatomía Patolóxica, Xinecoloxía e Obstetricia e Pediatría /
|
Organizado pola Universidade de Santiago de Compostela, o II Curso de Especialización en DIAGNOSE E TERAPÉUTICA DAS ENFERMIDADES METABÓLICAS CONXÉNITAS pretende incrementar, profundar e actualizar o coñecemento global sobre as enfermidades raras/minoritarias metabólicas hereditarias de nenos e de adultos, particularmente na clínica e as modalidades de tratamento.
O programa proporcionará formación científica regrada no contexto das enfermidades metabólicas hereditarias na realidade clínica e terapéutica das patoloxías máis relevantes. Isto supón a adquisición por parte do alumno dunha formación avanzada de coñecementos aplicados á terapia das enfermidades metabólicas así como unha integración na área de investigación e na aplicabilidade clínica. A orientación deste Curso é por tanto nas dúas vertentes: teórica e práctica.
Código USC: MP0154-CE0142
Edición: 2ª
Modalidade: Semipresencial
Docencia presencial: 5 %
Docencia non presencial: 95 %
Núm. de créditos: 20
Alumnos: mín. 5 / máx. 50
Prezo: 685 €
Seguro obrigatorio*: 17,50 €
* Emitirase xunto coa 1ª liquidacion de matrícula, salvo se o alumno xa pagou este en outra titulación da USC no presente curso académico.
Este Curso de Especialización está dirixido principalmente a especialistas en pediatría, médicos internistas, endocrinólogos, e nutriólogos, médicos de familia, a médicos especialistas en formación nesas especialidades con especial interese no estudo e coñecemento destas enfermidades e a aqueles profesionais do laboratorio clínico implicados no estudo destas patoloxías, ademais dos profesionais en formación destas áreas de coñecemento.
Preinscrición. desde 01/11/2022
ata 30/11/2022
Matrícula. desde 05/12/2022
ata 26/12/2022
Docencia. desde 09/01/2023
ata 23/12/2023
Coordinadores: Domingo González Lamuño e Cristóbal Colón Mejeras
Coordinadores: Ángel Carracedo Álvarez
Coordinadores: José Luís Póveda e Irene Zarra Ferro
O curso está formado por 3 materias ou unidades didácticas ás que se vai accedendo progresivamente, segundo supérese o anterior. Próximo a finalizar o curso haberá unha xornada presencial de 10 horas, dividida nunha sesión de mañá e outra de tarde, de actualizacións das Unidades Docentes. O curso é en formato online na súa maioría o que permite ao alumno organizarse adecuadamente para desenvolver o curso ao ritmo que se adapte mellor ás súas posibilidades. O alumno terá acceso ao material do curso mediante unha clave.
Consideraranse os coñecementos teoricos e prácticos adquiridos polo alumno mediante avaliación continua. Levarase a cabo un seguimento dos alumnos ao longo de todo o curso valorando a participación activa nas titorías e os foros de debate. Como complemento, realizarase unha proba test escrita ao final de cada unha das unidades didácticas para valorar o nivel de asimilación dos coñecementos adquiridos.
Haberá coordinadores para cada Módulo-Unidade Didáctica (3 coordinadores, 1 coordinador para cada módulo) que serán os responsables xuntamente coa Dirección do Curso de revisar e valorar a documentación de cada tema adxuntado polos profesores asi como as preguntas de avaliación tipo test.
Estes Coordinadores tutelarán aos alumnos do seu módulo correspondente e levarán o foro de debate das Unidades Didácticas pertencentes a cada módulo. O alumno deberá descargar os temas de cada Unidade Didáctica, estudialos, valoralos, criticalos e resolver cuestións co seu titor.
Realizaranse foros de debate coa finalidade de reforzar os coñecementos.
Semipresencial. O formato é online non presencial na súa maior parte (95%), a docencia presencial (5%) será de 10 horas en dúas xornadas a celebrarse un venres, de 16h a 20:30h, e un sábado de 8:30h a 14h. Datas a definir.
Os días en que terá lugar a docencia presencial (venres e sábado) serán os mesmos que os do Master en Enfermidades Metabólicas Hereditarias.
Dispoñer da titulación do Grao de Medicina. Farmacia. Bioloxía. Química. Bioquímica. Biomedicina. Biotecnoloxía ou dun grao ou licenciatura equivalente (a avaliar pola Comisión Académica do Curso).
Os candidatos deberán realizar a solicitude de preinscrición entre o 01/11/2022 e o 30/11/2022.
O impreso debe enviarse á seguiente dirección de correo: maribelcostas@gmail.com
A selección de alumnos admitidos ao Curso efectuarase a través dun comité de admisión seguindo os seguintes criterios xerais:
M.ª Isabel Costas Carro
Mª Luz Couce Pico
Facultade de Medicina e Odontoloxía
Rúa de San Francisco, s/n
15782 Santiago de Compostela
Departamento de Ciencias Forenses, Anatomía Patolóxica, Xinecoloxía e Obstetricia e Pediatría
Hospital Clínico Universitario-Planta 0,
Área de Docencia e Investigación
Travesía de la Choupana s/n
15782 Santiago de Compostela